ciencias socias

Conceptos básicos:

 Universo: conxunto dos corpos celestes, a materia e a enerxía que se

encontran no espazo.

 Big Bang: Teoría que explica a orixe do universo hai uns 15 mil millóns de

anos a partir dunha gran explosión. Ó expandirse e enfriar, a materia

formou as galaxias, as estrelas, os planetas e os demais corpos.

 Galaxia: conxunto de millóns de estrelas que emiten luz e calor, planetas,

satélites, asteroides, cometas, gases e po.

 Vía láctea: é a nosa galaxia.

 Sistema solar: sistema formado polo sol e os planetas e outros corpos que

xiran arredor del.

 Planetas: corpos que xiran arredor do sol. Son oito: Mercurio, Venus,

Terra, Marte, Xúpiter, Saturno, Urano e Neptuno.

 Estrela: gran esfera de gas a alta temperatura que emite luz. Cando o gas se

acaba a estrela apágase. A estrela máis próxima á terra é o sol

 Satélite: corpo que orbita arredor dun planeta. Ex. a Lúa.

 Meteorito: Fragmento de rocha que viaxa polo espazo e cae sobre un

planeta.

 Cometa: Corpo composto de rocha, xeo e po que xira arredor dunha estrela

en órbitas xigantescas. Canto se achega á estrela o xeo convértese en gas e

fai que apareza a cola do cometa.

 Asteroide:Obxecto rochoso ou metálico menor ca un planeta que orbita

arredor do sol.

 Terra: é un planeta de rocha cuberto de auga e rodeado dunha atmosfera

que o protexe do espazo exterior. É o noso fogar no universo.

A representación da terra:

 Globo terráqueo:

O globo terráqueo é unha esfera que representa a terra a menor escala. É

unha representación moi precisa pois mantén a proporción e a forma do

planeta.

 Planisferio:

O planisferio é unha representación da terra trazada sobre unha superficie

plana e a escala. Ao representar o planeta, que é esférico, prodúcense

deformacións.

 Mapas e planos:

Os mapas son representacións a escala de partes da terra. Poden ser físicos,

políticos, económicos, de poboación...

Os planos son representacións a escala de zonas pequenas ou obxectos: ex.

Unha cidade, unha casa...

Localización dun punto no mapa

Latitude é a distancia dun punto da terra ó Ecuador. Pode ser:

 Latitude Norte --- N (arriba)

 Latitude Sur --- S (abaixo)

Lonxitude é a distancia dun punto da terra ó Meridiano Cero. Pode ser:

 Lonxitude Leste --- L (dereita)

 Lonxitude Oeste --- O (esquerda)