Naturais (traballo de venres)

A excreción

A excreción consiste na expulsión, por parte do corpo, das substancias de refugallo que non necesita ou que poden resultarlle perxudiciais.

 

O noso organismo elimina os refugallos  de distintas formas:

•    O dióxido de carbono  do sangue elimínase a través do aparato respiratorio.

•    O resto de refugallos elimínase no ap. excretor que  está formado por:

◦ O sistema urinario: está formado polas vías urinarias (uréteres, vexiga e uretra) e os riles.

 

Riles: dous órganos con forma de feixón que se encargan de filtrar o sangue. 

Uréteres: son dous tubos que comunican os riles coa vexiga.

Vexiga urinaria: cavidade musculosa con forma de bolsa que almacena a urina.

Uretra: conduto que comunica a vexiga co exterior.

  

◦ A pel: é o maior órgano do corpo humano. As glándulas sudoríparas segregan suor, unha mestura de toxinas e auga, que é expulsada ao exterior do corpo a través dos poros da pel. A suor tamén regula a temperatura corporal.