Valores

 O conflito xorde entre dúas ou varias persoas cando as súas ideas, opinións ou percepcións sobre algo son incompatibles, opostas ou diferentes.

 

Como podemos solucionar un conflito?

• Escoita. Xorden opinións comúns que benefician a ambas as dúas partes. Ten que existir vontade de escoitar e querer solucionar o problema.
• Retirada. Esta técnica utilízase pola necesidade de calma para solucionar un conflito. Exemplo: dúas persoas están discutindo e unha estase poñendo moi nerviosa, polo que a outra decide retirarse para dar un tempo a que todo se calme e despois poder falar dunha forma pacífica.
• Conciliación. Significa chegar a un “acordo”.
• Compromiso. Ter o propósito de seguir neste camiño de solucionar os conflitos dunha forma pacífica, analizando os sentimentos e puntos de vista de ambas as dúas partes e usando a linguaxe positiva na comunicación de pensamentos.
  
  

RUIZ MATEO, Alicia. Los conflictos en la educación primaria. ¿Cómo podemos resolverlos?, 2009.

SERRANO BRAVO, Fernando. Inteligencia emocional y resolución de conflictos, 2012. 

 

 

Le con atención este relato:

Xavier ten 10 anos e Anxo ten 11. Son moi amigos, pero o outro día comezaron a discutir por un rumor. Anxo pensaba que Xavier lle dixera a outros compañeiros que non o escolleran para xogar ao fútbol porque o facía moi mal. 

Na discusión poñíanse cada vez máis nerviosos e ata chegaron a pelexar e a facerse dano. Anxo acabou cun ollo morado e Xavier cunha ferida no xeonllo.

Os profesores castigáronos e chamaron aos seus pais para comunicárllelo.

Agora contesta as seguintes preguntas no teu caderno:

• Cal foi a causa que orixinou o conflito entre Anxo e Xavier?
• Como cres que se senten os protagonistas desta historia?
• Como solucionarías ti este conflito dunha forma pacífica?

 

 

 

 

2

Lede esta noticia con atención:

El País

En grupos de 3 teredes que buscar unha solución a este problema. Tede en conta:

• Os sentimentos e emocións das persoas.
• A utilización da linguaxe positiva na comunicación.
• A resolución de conflitos de forma pacífica e democrática.

 Creade mensaxes positivas para evitar este tipo de conflitos. 

 

2.  Que é un mediador?

A mediación é un método para a resolución de conflitos, no que unha terceira persoa allea ao problema escoita as partes do conflito, facilitando a comunicación e axudándoos a negociar.

As principais tarefas do mediador son:

• Escoitar.
• Analizar o problema.
• Axudar a reflexionar.
• Chegar a acordos e solucionar o conflito.
  

Cales son as fases da mediación?

 

Fase 1	Axudar a que cada unha das partes exprese a súa visión sobre o problema.
Fase 2	Procurar que cada unha das partes intente poñerse no lugar da outra, analizando os seus sentimentos e pensamentos.
Fase 3	Axudar a atopar posibles solucións.

 

1

Quero ser mediador. Como podo aprender?

Le con atención o seguinte texto:

Marta e Susana eran moi amigas, pero desde a excursión de fin de curso comezaron a distanciarse porque Marta coñeceu novos amigos e Susana púxose moi celosa. Desde ese momento tiveron moitas discusións entre elas. A última foi no aniversario de Marta. Ela convidou os seus novos amigos e Susana sentiuse nun segundo plano. Desde aquela xa non se falan.

 

1. Que técnicas utilizarías para a recollida de información?
2. Ponte no lugar de cada unha das protagonistas. Como pensas que se senten Marta e Susana?
3. Define o problema.
4.Como poderías lograr que as dúas amigas falen de novo?
5. Concreta posibles solucións ao problema.